Am Weekend vom 26.-28.10. sind de Gosdi und ich für es Weekend uf Monterrey. Det hät eus s'Beschte Wätter bi ca. 27 Grad erwartet und es isch au no grad s'World-Forum (= e giizigi Expo) gsi. Mir händ denn de ganz Samschtig Namittag Ziit i dem grosse Park verbracht, d'Sunne gnosse, fein gässe und trunke. Eifach en gmüetliche Tag.
Am Abig händ mir den d'Lorena (d'Fründin vom Gosdi) mit ihrne Kolleg/inne troffe wo eus ane Halloween-Party gschleift händ. Natürlich händ mir eus nöd wie die meischte andere um es feins Kostüm kümmert und sind daher glaub die am schlächtischt verkleidetet Type gsi :-). What ever, isch e glatti Sach gsi und ich han jenes Mexicanos kenne glernt wo all voll nett gsi sind.
Monterrey isch übrigends e "chlineri" Stadt ganz im Norde vo Mexico. Würkli schön und einiges ruhiger als Mexico City. Es wirkt au weniger abgfuckt und mer hät s'Gfühl, dass es halt au riicher und somit gepflegter isch als D.F. (Mexico City). Viel zum aluege oder cooli Sehenswürdigkeite gits det aber nöd würkli. Kurz, mega cool für es Weekend aber nöd meh.
Abonnieren
Kommentare zum Post (Atom)
Keine Kommentare:
Kommentar veröffentlichen